Vilamartín pon en marcha os «pendellos faladoiros»

12 marzo, 2019
Vilamartín pon en marcha os «pendellos faladoiros»
Vilamartín pon en marcha os «pendellos faladoiros»
Vilamartín pon en marcha os «pendellos faladoiros»
Vilamartín pon en marcha os «pendellos faladoiros»
Publicidad

Os pobos do Mazo e San Miguel de Outeiro xa contan cunha destas estructuras que pretende ofrecer un espazo onde falar resguardado das inclemencias do tempo

Reunirse, sentados nun banco, arredor dunha mesa, a falar. Esta idea pode parecer simple, pero hoxe en día é case unha idealización que sen embargo sigue dándose nos pobos. Así o cree Enrique Álvarez Barreiro, alcalde de Vilamartín de Valdeorras, e «porque crieime nun pobo e conservo esa raigame, quero facer por eles todo o posible», conta.

O proxecto que ten entre mans é sinxelo, «darlle un espazo a vellos e novos no que falar a gusto, iso que buscan facer no seu tempo de lecer e que eu persoalmente me gustaría que se conservase». Unha idea romántica bautizada coma pendellos faladoiros, que sen embargo comeza xa a facerse realidade como pasa no Mazo, «onde fixemos un pequeno pórtico de madeira onde a xente dos pobos poda sentarse a falar». Recorda quizáis ás cubertas de plástico das paradas de autobús que aínda nalgures poden verse, «coma as que existen en San Vicente e que seguen usándose polos maiores». Desta volta, a construcción, según conta, tratará de mimetizarse máis co contexto no onde se construirá.

Pendello faladoiro de O Mazo, en Vilamartín.

San Miguel de Outeiro será o seguinte pobo en disfrutar dun pendello faladoiro en breve, pois os traballos xa se atopan ben avanzados.

Traballos no pendello faladoiro de San Miguel de Oureiro, Vilamartín.

A conversa ao aire libre forma gran parte da esencia deste proxecto. Tanto é así que «o pendello serviría para protexer os alí sentados do sol, a choiva ou o vento» pero nunca encerralos, porque non se trata dun espazo «como o dun centro social», ten que conservar o principio de disfrutar do ambiente, do exterior, «porque estar nun pobo e estar encerrado, casi é un sacrilexio», asegura o alcalde do municipio.

Fonte no pobo do Mazo usada hasta ahora para falar os días que chove

O certo é que, apenas dados os primeiros pasos, o proxecto parece ter boa acollida, boa mostra delo é a resposta dos veciños do Mazo, «que xa se ofreceron a coidar as prantas, a mantelo limpo, a facer seu o que o Concello lles ofreza». Ó fin e ó cabo, a idea final sempre é que podan disfrutar de algo que xa é deles.

También te puede interesar