Ultímanse os detalles para a inauguración da Feira do Viño

13 julio, 2018 ACTUALIDAD , FEIRA VIÑO 2018
Ultímanse os detalles para a inauguración da Feira do Viño

A poucas horas de que comece a III Feira do Viño de Valdeorras, o escaparate dos viños da denominación de orixe, a organización axusta os últimos preparativos para que mañá todo estea disposto á hora da apertura do recinto prevista para as 12:30 horas.

Dous días —14 e 15 de xullo— onde o protagonista será o viño das 20 adegas participantes y a música. Os postos xa case que están todos rematados falta algún que outro detalle. Este ano o recinto preséntase en tres partes formadas por grupos de haimas. No primeiro situado a esquerda atópanse os postos do Consello regulador e cinco adegas participantes. O segundo a dereita estará ocupado por 10 adegas y o último de 5 adegas sitúase de novo a esquerda. Este xeito de colocar as haimas facilita o descorrer polo recinto que queda aberto a todos os puntos da praza de Viloira. Ademáis ao principio e o final de cada grupo de postos hai uns cubetos con grifos para lavar as copas.

Detalle do fregadeiro para lavar copas dentro dun cubeto

Detalle do fregadeiro para lavar copas dentro dun cubeto

Dentro das actuacións musicais hai que destacar a da Real Banda de Gaitas da Deputación de Ourense para todos os presentes no acto inaugural, ás 13:00 horas. Pola tarde a Charanga Fuego amenizará a sesión vespertina e o grupo Caravan Band dará un concerto as 22:30 horas.

O domingo a apertura do recinto da feira será ás 12:30 horas y contará coas actuacións da charanga Terras do Bibei e Os Bertolini. Ás 20:30 horas entrega de premios da XIX Cata de Viños de Valdeorras.

Durante os dous días un tren turístico trasladará aos visitantes á Feira de balde. As paradas estarán no pavillón de Calabagueiros, no Hospital Comarcal, na praza do Concello e na praza de Viloira.

Para os pequechos parque de actividades infantís nos xardíns da Casa Grande, inchables, animación infantil, obradoiros para facer figuras con globos e pinta caras.

También te puede interesar