Con un sol que rachaba, o domingo 20 de maio, no muíño de Bendilló, celebrouse a décimo oitava Mostra do Aceite de Quiroga, festa de interese turístico galego.
A xornada comezaba coa posta en funcionamento do muiño —construción de pedra e lousa restaurado no 1993 polo Concello de Quiroga— na que se fixo unha demostración da elaboración do aceite o xeito tradicional. Primeiro esmagouse a aceitouna coa axuda dunha pedra de moer movida por un burro, logo pasouse a pasta a uns capazos sobre os que se verteu auga quente,dun pote que ferve ao carón coa lume das rachas. A prensa sacou todo o zume a pasta de olivas facendo caer o prensado nunha decantadora de madeira provista dun tubo no fondo que permite separar a auga do aceite.
A vez que se facían as demostracións no muiño, na capela do San Xoán das Farrapas houbo unha cata comentada dos aceites participantes na mostra que este ano foron seis dos colleiteiros locais, os que ademais puxeron a venda a produción.
No recinto da feira púidose ver un artesán do bímbeo facendo cestas, obxectos feitos coa madeira dos olivos, xoguetes de madeira, pan, doces, marmeladas e por suposto aceites.
Tamén actuacións de danza e música tradicional galega a cargo das agrupacións locais grupo de gaitas Alecrín o grupo de danza San Martiño e de gaitas O Recanto de Quiroga.
O que quixo comer no lugar poido degustar un bo polvo a feira, churrasco ou paella regado polos viños do val de Quiroga.
Os aceites feitos nestas terras teñen a marca rexistrada “Aceite de Quiroga”, o que lle asina a garantía de calidade. A da presente edición non era de esperar dada a seca que houbo pero o final o aceites teñen a calidade esperada.