Os Viticultores de Vilamartín, «un folión que se leva na sangre»

4 febrero, 2020 ACTUALIDAD , AUDIO , CULTURA
Os Viticultores de Vilamartín, «un folión que se leva na sangre»

O vindeiro sábado 15 de febreiro celebrarase en Vilamartín o Desfile Folión e a terceira edición da Festa das Sopas de allo

O 7 de novembro de 2015 está marcado no calendario dos membros dos folión Os Viticultores de Vilamartín. Ese día celebrouse a primeira reunión do grupo e desde entón non deixaron de tocar. Nesa primeira reunión xa había 31 persoas e agora medrou a 35.

Paco Afonso «Chapito», Begoña Vega e Carlos Vázquez no estudio de Radio Valdeorras

Begoña Vega foi a súa impulsora. Ten raíces de Vilariño de Conso e Manzaneda. «No val normalmente non hai folións, non é unha tradición aquí. Pero a min vénme desque estaba no ventre da miña nai, lévoo no meu sangue. Por diferentes motivos fixen a miña vida en Valencia do Sil », asegura Begoña. Por iso un bo día decidiu poñerse mans a obra para crear unha agrupación en Vilamartín. «Coloquei carteis e publiquei en Facebook. Dende o principio tivo moito éxito e en novembro de 2015 comezamos a ensaiar ».

Os Viticultores facendo soar o seu ritmo polas ruas de Petín

Os Viticultores está formado por nenos e adultos. O seu ritmo está marcado polas gadañas, as aixadas, os sachos e agora tamén por dous tambores. Ademais, o folión ten unhas máscaras chamadas “Garnachos”. «O primeiro ano non tiveron nome. Bautizámolos así porque van co folión e todos teñen motivos vitícolas ». Outra das súas peculiaridades é a pancarta que os presenta xa que o grupo usa un disco de corte de lousa.

Bombos e disco de cortar a lousa onde se pode ver o nome do folión

Como dice Begoña, una tradición que se leva nas veas e que até os máis pequenos xa seguen. «Pasounos con dúas nais que, mentres están embarazadas, seguen acompañándonos como compañeiras. Agora un rapaz de ano e medio dá o ritmo coa cabeza e o outro día colleu as mazas dun bombo e comezou a tocar case o ritmo.

Os «Garnachos» no desfile de Entroido de Verán en xuño de 2016 en Vilamartín

III edición da Festa das sopas de allo

Este folión está indiscutiblemente ligado ás sopas de allo e é que durante 3 anos o seu desfile remata con este festival onde o caldo tamén é o protagonista. «Decidiuse facelo no garaxe da casa. Tiñamos previsto poñer un pouco de touciño ao rematar o desfile, pero recordei que o martes de Entroido a miña avoa adoitaba facer estas sopas de allo», lembra Begoña.

Servindo as sopas de allo na pasada edición

Este ano o menú aumenta e con el tamén o seu prezo. As entradas, á venda ata o venres 7 de febreiro, teñen un custo de 10 euros. «Haberá churrasco, chourizo cocido, sopas de allo, empanadas, sobremesas e café con licores».

En 2018 no Entroido de Vilamartín

A cea comezará ao redor das 21:00 horas, pero antes é hora do desfile. Un total de 10 folións e dous grupos de baile tradicional, Mazcaradas e Madamas de Pombriego e Entroido de Samede chegarán ata Vilamartín. «O pregoeiro será, como sempre unha sorpresa», afirma Carlos Vázquez. Por suposto, din que é alguén moi querido para o folión e creará un precedente neste encontro.

Os Viticultores o pasado ano na xuntanza de folións celebrada en febreiro de 2019

A xornada rematará cun baile do trío Fusión.

Se desexa escoitar a entrevista completa, faga clic na seguinte ligazón:


Publicidad

En Vilamartín no 2017

También te puede interesar