Núñez e Carrera terceiros no Descenso do Miño de Ourense

25 junio, 2017
Núñez e Carrera terceiros no Descenso do Miño de Ourense

O encoro Ourensá de Velle acolleu unha nova edición do Descenso do Miño en Ourense.  Nesta  cuadraxésimo novena edición máis de  medio millar de deportistas, que representaron a 34 equipos de todo o territorio nacional, déronse cita o 24 de xuño no encoro.

Os homes das categorías sénior, xuvenil e veterano saíron de Os Peares as 17.30 horas para percorrer os 17 quilómetros que os separaban da meta situada a escasos metros da presa do encoro de Velle.  O K-2 tripulado por Brais Sánchez e Antonio Palmas, foi a primeira embarcación que chegou a meta, completando o recorrido en 1:03:21. Por outra banda, o resto de padexeiros tomaron a saída en Barra de Miño para percorrer 6,5 quilómetros.

A esta regata puntuable para as Ligas Galegas das categorías Veterano, Sénior, Xuvenil, tanto de homes como mulleres, acudiron 6 deportistas do Fluvial. O K-2 formado por Roberto García Núñez e Miguel Anxo Carrera Gómez quedou en terceira posición. Fernando García Viso entrou na meta no sexto posto e o barquense Aitor López Berciano fixo unha décimo segunda posición na categoría Sénior. Os outros participantes na proba do Fluvial foron Valdemar Berciano, Rubén Ondoño e o recente incorporado o club, Guillermo Daniel Fernández Fernández.

Mais, non foi esta a única proba na que o Fluvial participou esta fin de semana, xa que Joel Rodríguez Vega estivo presente na Copa España de Infantís, na que acadou un meritorio posto.

Joel Vega participante na Copa España

Joel Vega participante na Copa España

También te puede interesar