Concurso. Trives

26 octubre, 2018
Concurso. Trives

O Concello de A Pobra de Trives convoca o “VI Certame De Doces Típicos de Outono” con motivo do festexo do  Magosto.

Esta mostra leva seis anos de andadura, facendo que os nosos produtos de outono teñan a importancia que se merecen sendo os agardados protagonistas da sobremesas no Magosto. Un certame no que poderán participar todas as persoas que o desexen. As sobremesas que elaboren deberán levar produtos da tempada como Castañas, Noces, Figo, Mazá, Pera, Cabaza, Uva, Laranxa, etc.

Os doces teñen que entregarse na mañá do 10 de novembro (Día do Magosto) na Oficina de Turismo en horario de 10:30h a 14h. Ou pola tarde, xusto antes de comezar o magosto, no centro cívico, no Patio Santa Leonor. Ademais deben presentar os seus datos e nome e da Sobremesa cunha breve explicación dos ingredientes que contén e da elaboración da mesma.

Recoméndase aos participantes anotarse con antelación na Oficina de Turismo (antes do 3 de novembro).
Cada participante recibirá un agasallo e un diploma acreditativo de participación e terá a entrada de baldo na festa do Magosto. A entrega do Premio farase ese mesmo día 10 de Novembro durante o Magosto.

As bases para participar nesta sexta edición poden consultarse na páxina web do concello (www.apobradetrives.es).